बारामती : पतंग उडवण्यासाठी वापरल्या जाणाऱ्या प्रतिबंधित चायनीज मांजाचा धोका पुन्हा एकदा समोर आला आहे. जुना मोरगाव रोड येथे एका मुलाच्या चेहऱ्याला चायनीज मांजामुळे काप लागून दुखापत झाली. या घटनेचा फोटो समोर आला असून नागरिकांमध्ये चिंता व्यक्त होत आहे.
चायनीज मांजा अत्यंत धारदार असल्याने तो नागरिक, दुचाकीस्वार तसेच पक्षी आणि प्राण्यांसाठी धोकादायक ठरू शकतो. महाराष्ट्रात नायलॉन/सिंथेटिक मांजाच्या वापरावर बंदी असतानाही त्याचा वापर होत असल्याचे या घटनेतून समोर आले आहे.
बारामती शहर व परिसरात प्रतिबंधित चायनीज मांजाची विक्री व वापर करणाऱ्यांवर तातडीने कठोर कारवाई करावी, तसेच मांजा विक्रीच्या ठिकाणी तपासणी मोहीम राबवावी, अशी मागणी नागरिकांकडून होत आहे.पतंग उडवताना केवळ सुरक्षित आणि पर्यावरणपूरक मांजाच वापरावा, असे आवाहन करण्यात येत आहे.
✍🏻मुख्य संपादक – शशिकांत खरात
