🚨 पोलिसांना युनिफॉर्ममध्ये रिल्स/फोटो पोस्ट करण्यास मनाई – नवीन परिपत्रक (GR) जारी

प्रतिनिधी / संपादक : शशिकांत खरात

राज्य शासनाने पोलिस दलातील अधिकारी व कर्मचाऱ्यांसाठी महत्त्वपूर्ण निर्णय घेतला असून, युनिफॉर्म परिधान करून कोणत्याही प्रकारचे रिल्स, व्हिडिओ किंवा फोटो सोशल मीडियावर पोस्ट करण्यास बंदी घालण्यात आली आहे. यासंदर्भात नवीन शासकीय परिपत्रक (GR) जारी करण्यात आले आहे.
गेल्या काही महिन्यांपासून Instagram, Facebook आणि YouTube यांसारख्या सोशल मीडिया प्लॅटफॉर्मवर पोलिस कर्मचारी युनिफॉर्ममध्ये रिल्स तयार करून अपलोड करत असल्याच्या घटना वाढल्या होत्या. काही व्हिडिओंमुळे पोलिस दलाची प्रतिमा व शिस्तीवर प्रश्नचिन्ह निर्माण होत असल्याची नोंद वरिष्ठ अधिकाऱ्यांनी घेतली होती. परिपत्रकातील मुख्य मुद्दे:युनिफॉर्ममध्ये वैयक्तिक सोशल मीडिया कंटेंट तयार करण्यास मनाई.
कर्तव्यावर असताना व्हिडिओ शूटिंग/रिल्स बनविण्यास बंदी.पोलिस दलाची प्रतिमा मलिन होईल असा कोणताही कंटेंट पोस्ट केल्यास शिस्तभंग कारवाई.
आदेशाचे उल्लंघन केल्यास विभागीय चौकशी व निलंबनाची शक्यता.
सरकारचा उद्देश पोलिस दलाची शिस्त, प्रतिमा आणि व्यावसायिकता अबाधित ठेवणे हा असल्याचे स्पष्ट करण्यात आले आहे. अधिकृत कामकाज, जनजागृती किंवा शासकीय मोहिमा यासाठी मात्र वरिष्ठांच्या परवानगीने अधिकृत सोशल मीडिया हँडलवरून माहिती प्रसारित करता येणार आहे.या निर्णयामुळे पोलिस कर्मचाऱ्यांना सोशल मीडियावर वैयक्तिक प्रसिद्धीसाठी युनिफॉर्मचा वापर करता येणार नाही.
शासनाच्या या निर्णयाबाबत नागरिकांमध्येही मिश्र प्रतिक्रिया उमटत असून, काहींनी हा निर्णय योग्य असल्याचे म्हटले आहे, तर काहींनी तो अतिशय कडक असल्याची प्रतिक्रिया दिली आहे.

HAQQNAMA DAILY NEWS

✍🏻मुख्य संपादक – शशिकांत खरात