संपादक / शशिकांत खरात
प्रतिनिधी | बारामती
माहितीचा अधिकार नियम २०२६ रद्द करण्यात यावा, या मागणीसाठी ज्येष्ठ समाजसेवक पद्मभूषण अण्णा हजारे यांच्याशी थेट चर्चा करण्यासाठी माहिती अधिकार कार्यकर्त्यांना राळेगणसिद्धी येथे एकत्र येण्याचे आवाहन करण्यात आले आहे.
शनिवार, दि. २० जून २०२६ रोजी सकाळी ११.०० वाजता, ता. पारनेर, जि.अहिल्यानगर येथील राळेगणसिद्धी येथे ही बैठक आयोजित करण्यात आली आहे. माहिती अधिकार क्षेत्रात कार्यरत असलेले कार्यकर्ते, सामाजिक संघटना व नागरिकांनी या बैठकीस मोठ्या संख्येने उपस्थित राहावे, असे आवाहन आयोजकांनी केले आहे.
“एकत्र या, बदल घडवूया!” या घोषवाक्यासह माहिती अधिकार नियम २०२६ संदर्भातील आक्षेप, संभाव्य परिणाम आणि पुढील आंदोलनाची दिशा यावर अण्णा हजारे यांच्यासोबत सविस्तर चर्चा होणार असल्याचे सांगण्यात आले आहे.
बैठकीसंदर्भात अधिक माहितीसाठी विठोबा सर – ९४२१५०७७४७ आणि अब्राहम सर – ९८९०२४२३६४ यांच्याशी संपर्क साधण्याचे आवाहन करण्यात आले आहे.
✍🏻मुख्य संपादक – शशिकांत खरात
