संपादक / शशिकांत खरात
बारामती : केंद्रीय रस्ते वाहतूक व महामार्ग मंत्री नितीन गडकरी यांनी आज बारामती दौऱ्यात पालखी महामार्गाच्या सुरू असलेल्या कामांची प्रत्यक्ष पाहणी करत अधिकाऱ्यांना कामात गुणवत्ता आणि गती राखण्याच्या सूचना दिल्या.यावेळी महामार्गाच्या विविध टप्प्यांवरील कामकाज, रस्त्याची रुंदी, पूल बांधकाम, सेवा रस्ते तसेच वाहतुकीच्या सुविधांचा आढावा घेण्यात आला. पालखी महामार्ग पूर्ण झाल्यानंतर पुणे जिल्ह्यासह बारामती परिसरातील वाहतूक अधिक सुलभ होणार असून नागरिकांना मोठा दिलासा मिळणार असल्याचे मत व्यक्त करण्यात आले.
दौऱ्यादरम्यान संबंधित विभागाचे अधिकारी, स्थानिक लोकप्रतिनिधी आणि कंत्राटदार उपस्थित होते. काम वेळेत पूर्ण करण्यासोबतच दर्जेदार कामावर भर देण्याच्या सूचना गडकरी यांनी दिल्या.
पालखी महामार्गामुळे औद्योगिक, व्यापारी आणि धार्मिक पर्यटनाला चालना मिळणार असून परिसराच्या विकासाला मोठी गती मिळेल, अशी अपेक्षा व्यक्त केली जात आहे.
✍🏻मुख्य संपादक – शशिकांत खरात
