🚨बारामतीत कायदा उपाशी, गुन्हेगारी मोकाट!

बारामती | प्रतिनिधी

बारामती नगरपालिकेसमोर सुरू असलेल्या बेमुदत उपोषणाने आज गंभीर वळण घेतले आहे.
हे उपोषण केवळ आंदोलन न राहता, आता शहरातील अन्याय, बेकायदेशीरपणा आणि प्रशासनाच्या अपयशाविरोधातील जनआक्रोश बनले आहे.
आंदोलनकर्त्यांनी मांडलेल्या मागण्या या सामान्य नागरिकांच्या जखमांवर बोट ठेवणाऱ्या असून, प्रशासन मात्र अद्याप मूकदर्शकाची भूमिका घेत असल्याचे चित्र आहे.

कैकाडी समाज, तांबोळी मुस्लिम समाज व मेहतर वाल्मिकी समाजासाठी
प्रशस्त, सुसज्ज समाज मंदिर उभारण्याची मागणी अनेक वर्षांपासून प्रलंबित आहे.
आजही हे समाज
लग्न, अंत्यविधी, सामाजिक कार्यक्रमांसाठी भटकंती करत आहेत
मूलभूत हक्कांसाठी दारोदारी फिरत आहेत.

प्रश्न असा आहे की – विकास केवळ निवडक समाजांसाठीच आहे का?
बारामतीत समानतेचा गळा कुणी दाबून धरला आहे?

बारामती नगरपरिषदेच्या नावावर असलेल्या जमिनींवर
धनदांडग्या लोकांनी केलेली बेकायदेशीर अतिक्रमणे आजही अभयात आहेत.
गरीब माणसाच्या घरावर कारवाई तत्काळ,
पण सत्ताधारी जवळच्या लोकांच्या अतिक्रमणांवर पूर्ण मौन!
नगरपालिका जनतेसाठी आहे की धनदांडग्यांसाठी?
कायद्याचे माप गरीबांसाठी वेगळे आणि श्रीमंतांसाठी वेगळे का?

नगरपरिषद हद्दीमध्ये
चक्री
मटका
गावठी दारू, ताडी
गांजा
ऑनलाईन व ऑफलाईन जुगार
हे अवैध धंदे उघडपणे सुरू असताना प्रशासन झोपले आहे का?
या धंद्यांमुळे
तरुणांचे आयुष्य उद्ध्वस्त होत आहे
महिलांचे संसार उध्वस्त होत आहेत
चोरी, मारामाऱ्या, गुन्हेगारी वाढत आहे.

बारामतीतील सामान्य नागरिक आज एकच प्रश्न विचारत आहे —
“कायदा गुन्हेगारांसाठी मऊ
आणि सामान्य माणसासाठी कठोर का?”

HAQQNAMA DAILY NEWS

✍🏻मुख्य संपादक – शशिकांत खरात