बातमी :
बारामती येथील नामांकित पैलवान तसेच शिवसेना (शिंदे गट) पुणे जिल्हा कार्याध्यक्ष माननीय वस्ताद पप्पू मानेजी यांचा वाढदिवस सामाजिक उपक्रमांच्या माध्यमातून साजरा करण्यात आला. वाढदिवसाचे औचित्य साधून थंडीच्या दिवसात गरजू व निराधार नागरिकांना ब्लँकेटचे वाटप करण्यात आले.
समाजातील उपेक्षित घटकांना मदतीचा हात देत वस्ताद पप्पू मानेजी यांनी सामाजिक बांधिलकीचा आदर्श पुन्हा एकदा समाजासमोर ठेवला. या उपक्रमानंतर उपस्थित कार्यकर्ते, नागरिक आणि शुभेच्छुकांच्या उपस्थितीत साध्या पद्धतीने केक कापून वाढदिवस साजरा करण्यात आला.
या वेळी शिवसेनेचे कार्यकर्ते, स्थानिक नागरिक, पैलवान संघटनेचे सदस्य मोठ्या संख्येने उपस्थित होते. वस्ताद पप्पू मानेजी यांनी आपल्या भाषणात “वाढदिवस साजरा करताना समाजासाठी काहीतरी देणं हेच खरे समाधान आहे,” असे मत व्यक्त केले.
या सामाजिक उपक्रमाचे सर्वत्र कौतुक होत असून नागरिकांकडून वस्ताद पप्पू मानेजी यांच्यावर शुभेच्छांचा वर्षाव होत आहे.
✍🏻मुख्य संपादक – शशिकांत खरात
