🚨 चक्क देवच चोरीला! भर दुपारी धावजी पाटील मंदिरातून मूर्ती लंपास

बारामती /  संपादक: शशिकांत खरात
बारामती तालुक्यातील मोरगाव रोडलगत असलेल्या धावजी पाटील मंदिर येथे भर दुपारीच अज्ञात चोरट्यांनी देवाची मूर्ती चोरी केल्याची धक्कादायक घटना समोर आली आहे. या प्रकारामुळे परिसरात खळबळ उडाली असून नागरिकांमध्ये तीव्र संताप व्यक्त होत आहे.मिळालेल्या माहितीनुसार, दुपारच्या सुमारास मंदिर परिसरात वर्दळ कमी असताना ही चोरी झाल्याचे समजते. काही वेळानंतर मंदिरात दर्शनासाठी गेलेल्या भाविकांच्या निदर्शनास ही बाब आली. गाभाऱ्यातील मूर्ती जागेवर नसल्याचे दिसताच तात्काळ गावकऱ्यांनी पोलिसांना कळवले.विशेष म्हणजे, दिवसाढवळ्या घडलेल्या या घटनेमुळे सुरक्षा व्यवस्थेवर गंभीर प्रश्नचिन्ह निर्माण झाले आहे. मंदिर परिसरात सीसीटीव्ही कॅमेरे कार्यरत होते का? दुपारी कोणतीही देखरेख नव्हती का? याबाबत चौकशीची मागणी होत आहे.
गावकऱ्यांनी या घटनेचा तीव्र निषेध करत आरोपींना तात्काळ अटक करण्याची मागणी केली आहे. “दिवसाढवळ्या देव चोरीला जात असेल, तर कायद्याची भीती उरली आहे का?” असा सवाल स्थानिक नागरिक करत आहेत.

HAQQNAMA DAILY NEWS

✍🏻मुख्य संपादक – शशिकांत खरात