🚨शेतकऱ्यांची फसवणूक करून जेसीपी मशीन व ट्रॅक्टर लंपास करणाऱ्या टोळीचा सुपा पोलीस स्टेशनकडून 🚨पर्दाफाश ! ७७ लाखांचा मुद्देमाल हस्तगत !

नांदेड धाराशिव येथील शेतकऱ्यांची जेसीबी मशीन भाड्याने घेऊन ते सासवड येथील नव्याने होणाऱ्या विमानतळ कामाकरिता लावतो असे म्हणून शेतकऱ्यांशी करारनामा करून घेऊन त्या जेसीबी वाहनांची विक्री करणाऱ्या टोळीचा सुपा पोलीस स्टेशनने पर्दाफाश केला आहे. बालाजी गोविंदराव गादेवाड यांनी दिलेल्या फिर्यादीवरून सुपा पोलीस स्टेशन येथे दिनांक ०६/०१ /२०२६ रोजी गुन्हा रजिस्टर नंबर १/२०२६ भारतीय न्याय संहिता ३३८,३३६,३१८(४),३(५) प्रमाणे गुन्हा दाखल आहे. शेतकरी बालाजी गोविंदराव गादेवाड यांच्याबरोबरच शेतकरी अनिल शिवाजी वरखडे बाबुराव व आप्पाराव पांढरे यांच्याशी आरोपी यांनी शंभर रुपयाचे स्टॅम्प वरती करार करून त्यांना तुमचे जेसीबी वाहन सासवड येथील नव्याने होणाऱ्या विमानतळाचे कामावर लावतो असे म्हणून सदरचे काम हे आमचे बी.जी कन्स्ट्रक्शन कंपनीला मिळाली आहे आम्ही तुमचे जेसीबी वाहन घेऊन जाऊन प्रति महिना एक लाख रुपये भाडे प्रमाणे देतो असे सांगून आरोपी 1) अजय संतोष चव्हाण राहणार सरतळे, तालुका जावळी जिल्हा सातारा 2) दिनेश भाऊराव मोरे राहणार इकलीबोर तालुका नायगाव जिल्हा नांदेड 3) निलेश अण्णा थोरात राहणार मोरगाव तालुका बारामती जिल्हा पुणे 4) तुषार शहाजी शिंदे राहणार येडशी तालुका धाराशिव जिल्हा धाराशिव यांनी फसवणूक केली आहे.

आरोपी अजय संतोष चव्हाण व निलेश थोरात यांनी दिनेश भाऊराव मोरे तुषार शिंदे यांच्याशी संगणमत करून डिसेंबर 2025 मध्ये शेतकऱ्यांकडून जेसीबी मशीन विक्री करण्याच्या उद्देशाने ते सुपे तालुका बारामती जिल्हा पुणे येथे घेऊन आले होते पोलिसांनी त्याबाबत करारनामा तसेच आरोपी अजय चव्हाण निलेश थोरात व तुषार शिंदे यांनी बनावटीकरण करून तयार केलेले बी.जी कन्स्ट्रक्शन कंपनीचे बनावट कागदपत्रे तपासामध्ये हस्तगत करण्यात आले आहेत.

आरोपी निलेश थोरात हा सदरच्या जेसीबी वाहनांचा विक्री करून त्याची विल्हेवाट लावीत होता असे तपासामध्ये निष्पन्न झाल्या आहे तपासामध्ये धाराशिव येथील दोन ट्रॅक्टर तसेच नांदेड येथील तीन जेसीबी आरोपी निलेश थोरात यांच्याकडून हस्तगत करण्यात आलेले आहेत आरोपी निलेश थोरात यास अटक केली आहे. त्यास दिनांक १६/०१/२०२६ पर्यंत पोलीस कस्टडी रिमांड मंजूर झाले आहे पोलीस कस्टडीमध्ये असताना आरोपी निलेश थोरात यांनी दोन ट्रॅक्टर मांडवगण फराटा, तालुका शिरूर , जिल्हा पुणे येथील शेतकऱ्यांना फायनान्स कंपनीचे ट्रॅक्टर असल्याचे सांगून त्याचे कागदपत्रे थोड्याच दिवसात देतो असे सांगून सदरचे ट्रॅक्टर विक्री केल्याचे तपासात निष्पन्न झाले आहे तुपा पोलीस स्टेशन गु. र. न. 1/2026 मधील तीन जेसीबी मशीन तसेच कळम पोलीस स्टेशन जिल्हा धाराशिव येथील गु. र. न.458/2025 मधील एक ट्रॅक्टर व इतर एक ट्रॅक्टर असे एकूण तीन जेसीबी मशीन व दोन ट्रॅक्टर असे ७७ लाख रुपये किमतीचा मुद्देमाल आरोपीतांकडून हस्तगत करण्यात आलेला आहे सदर गुन्ह्याचा पुढील तपास पोलीस उपनिरीक्षक जिनेश कोळी हे करीत आहेत.

सदरची कामगिरी ही मा. संदीपसिंह गिल्ल सो, पोलीस अधीक्षक पुणे ग्रामीण, मा. गणेश बिरदार सो. अप्पर पोलीस अधीक्षक, बारामती विभाग, मा. सुदर्शन राठोड सो. उपविभागीय पोलीस अधिकारी उपविभाग बारामती, यांचे मार्गदर्शनाखाली सुपा पोलीस स्टेशनचे सहा. पोलीस निरीक्षक श्री मनोज कुमार नवसरे सो. पोलीस उपनिरीक्षक जिनेश कोळी, पोलीस हवालदार राहुल भाग्यवंत, पोलीस हवालदार संदीप लोंढे, पोलीस हवालदार रुपेश साळुंखे, पोलीस हवालदार दत्ता धुमाळ, पोलीस हवलदार संतोष पवार, पोलीस हवालदार विशाल गजरे, पोलीस शिपाई किसन ताडगे, पोलीस शिपाई महादेव साळुंखे, पोलीस शिपाई तुषार जैनक, पोलीस शिपाई सागर वाघमोडे, पोलीस शिपाई निहाल वणवे, पोलीस शिपाई सचिन कोकणे, पोलीस शिपाई सचिन दरेकर, पोलीस शिपाई योगेश सरोदे, पोलीस शिपाई पियुष माळी, पोलीस शिपाई आदेश मवाळ यांनी केली आहे.

HAQQNAMA DAILY NEWS

✍🏻मुख्य संपादक – शशिकांत खरात