बारामती / संपादक शशिकांत खरात
बारामती (संपादकीय) – महाराष्ट्र राज्यातील कायदा व सुव्यवस्थेचा आदर्श म्हणून ओळखल्या जाणाऱ्या पुणे जिल्ह्यातील बारामती तालुका पोलिस स्टेशन हद्दीत सध्या अवैध धंद्यांचा अक्षरशः सुळसुळाट झाल्याचे चित्र समोर येत आहे. जुगार अड्डे, मुंबई–कल्याण–पुणे मटका, गांजा विक्री, गावठी दारू निर्मिती, ऑनलाईन चक्री जुगार तसेच शासनाने बंदी घातलेला गुटखा हे सर्व प्रकार उघडपणे सुरू असल्याने नागरिकांमध्ये भीती व संतापाचे वातावरण निर्माण झाले आहे.विशेष म्हणजे, या सर्व प्रकारांवर प्रभावी कारवाई होत नसल्यामुळे स्थानिक पोलिस प्रशासनाच्या कार्यक्षमतेवर प्रश्नचिन्ह उपस्थित केले जात आहे. नागरिकांमध्ये अशी चर्चा रंगली आहे की, काही पोलिस घटकांकडून “हाफ्ता वसुली”च्या माध्यमातून या अवैध धंद्यांना संरक्षण दिले जात आहे. LCB व DB पथकांमार्फत विशेष व्यक्तींमार्फत वसुली केली जात असल्याचे आरोपही जोर धरत आहेत.याच पार्श्वभूमीवर, नुकतेच मुख्यमंत्री यांच्या हस्ते पुणे जिल्ह्याचे पोलिस अधीक्षक यांचा गुन्हेगारी कमी केल्याबद्दल सन्मान करण्यात आला होता. मात्र, प्रत्यक्षात बारामती तालुक्यात वाढलेल्या अवैध धंद्यांमुळे हा सन्मान प्रश्नांच्या भोवऱ्यात सापडला आहे.गुटखाबंदी लागू होऊन अनेक वर्षे उलटली असतानाही बारामतीत तालुका हद्दीत जवळपास प्रत्येक टपरीवर गुटखा सहज उपलब्ध होत असल्याचे वास्तव प्रशासनाच्या कार्यपद्धतीवर गंभीर प्रश्न निर्माण करत आहे. यामुळे तरुण पिढीवर विपरीत परिणाम होत असून सामाजिक आरोग्य धोक्यात आले आहे.
नागरिकांची प्रमुख मागणी ,बारामतीतील सर्व अवैध धंद्यांची उच्चस्तरीय चौकशी हाफ्ता वसुली प्रकरणाची स्वतंत्र तपासणी,दोषी अधिकाऱ्यांवर कठोर कारवाई व्हावी राज्यस्तरीय विशेष मोहीम राबविणे नागरिकांचा इशारा आहे की, तात्काळ कारवाई न झाल्यास बारामतीत कायद्याचा धाक पूर्णपणे संपुष्टात येईल. त्यामुळे प्रशासनाने या गंभीर प्रकरणाची दखल घेऊन तातडीने कठोर पावले उचलावीत, अशी सर्वसामान्यांची अपेक्षा आहे.
✍🏻मुख्य संपादक – शशिकांत खरात
